Во Белград студентите во блокада најавија за попладнево протест - Сакаме избори

Студентите во блокада најавија за попладнево во Белград протест под мотото „Сакаме избори“.  Протестот ќе почне  во 16.30 часот со собирање во центарот на главниот град на Србија, ќе се протестира пред Високото јавно обвителство и ќе заврши околу 20 часот пред зградата на Владата. 

Текстот со кој студентите бараат распишување вонредни парламентарни избори ќе биде прочитан во 19:45 часот, по што ќе следат говори што ќе го означат крајот на протестот.

На 1 јуни цела Србија ќе биде на нозе, објавија доцна синоќа студентите во блокада, најавувајќи протести во бројни градови во државата. 

Списокот на места за собирање секојдневно се проширува. Се очекува во наредните денови да се приклучат повеќе градови на студентските протести.Со наводи дека „децентрализацијата се вчитува“студентите во блокада објавија список на повеќе од 20 градови каде, очигледно, ќе протестираат на 1 јуни.