Во АВРМ презентација на огласот за обука на пилоти
Промоција на објавениот оглас за шестата генерација на слушатели во Центарот за обука на пилоти на Министерството за одбрана и запознавање на младите до 28 години со условите за аплицирање е целта на денешната презентација во Агенцијата за вработување на Република Македонија (АВРМ) - Центарот за врботување на град Скопје.
На презентацијата присуствуваат младите невработени лица до 28 години со завршено високо образование кои Агенцијата преку СМС ги извести за можноста да аплицираат на огласот, а претставници на Центарот за обука на пилоти детално ги запознаваат со проверките и тестирањата кои претходат и се услов за вклучување во обуката за пилоти, текот на обуката и можноста за вработување по нејзиното успешно завршување.
- Огласот е постојано отворен и на него се поставени соодветни критериуми како физичка подготвеност, здравствена состојба, познавање на англиски јазик и други критериуми кои подоцна ќе бидат проверени од стручните лица од Центарот за обука на пилоти по што ќе се изврши изборот. Најбитно е пријавените кандидати да се млади луѓе на возраст до 28 години, да имаат завршено високо образование и да се државјани на Република Македонија, изјави државниот секретар во Министерството за одбрана Елизабета Чуповска Ристова пред презентацијата.
Таа посочи дека пресекот на кандидати за шестата генерација за обука за пилоти ќе се прави до 18 декември годинава.
Раководителката на Центарот за вработување на град Скопје, Слободанка Алексовска посочи дека за денешната презентација се повикани да учествуваат сите активни баратели на работа до 28 години кои имаат завршено високо образование.
- Со цел да им излеземе во пресрет и подобро да ги информираме младите луѓе во неколку центри на Агенцијата за вработување во соработка со Министерството за одбрана одржуваме презентација за мотивирање за учество на огласот и да им ги претставиме сите можности што ги нуди обуката, рече Алексовска.
Таа посочи дека околу 60 од контактираните лица пројавиле интерес за презентацијата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово