Во Албанија останува во сила полицискиот час и забраната за летови со Велика Британија
Техничкиот комитет на експерти за справување со пандемијата, на денешната прва средба во новата годна, одлучи да продолжи полицискиот час во Албанија, како и забраната за летови со Велика Британија.
– Продолжува полицискиот час од 22:00 до шест часот. Универзитетите продолжуваат со онлајн настава засега и во следните две недели а забраната за летовите со Велика Британија е продолжена до 18 јануари, информираше Мира Ракацоли, претседателка на Комитетот и заменик-министерка за здравство и социјална заштита.
Според неа во последните две недели е забележан благ пад на новозаразени, но вчерашниот висок број предупредува дека „мора да бидеме многу внимателни“.
– Очекуваме да има можни последици од собирите и групирањата за време на празниците, посочи Ракацоли.
Засега нема целосни податоци за присуство на новиот вид на Ковид-19 Албанија.
– Во периодот од 23 декември до 5 јануари инциденцата е малку намалена. Во споредба со претходните две недели нивото на инциденца е 177 случаи на 100 илјади жители а позитивноста е 22 проценти. Просечната возраст на потврдените случаи е 47,5 години, истакна директорка на Институтот за јавно здравје и членка на комитетот на експерти, Албана Фицо,
.Таа додаде дека има раст на новозарзени кај возрасната група од 25 до 34 години, поради што апелираше на поголема внимателност кај младите.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка