ВМРО - ДПМНЕ:Ад-хок телото има целосна поддршка да го избере најдобриот кандидат

Ад-хок телото за следење на медиумскопто претставување ја има целосната поддршка од ВМРО-ДПМНЕ за да го избере најдобриот кандидат, но не смее да подлегне на притисоци од Зоран Заев, соопшти  денеска ВМРО - ДПМНЕ.

ВМРО - ДПМНЕ во соопштението посочува дека деструкцијата нема иднина во Македонија.

- Како што наближуваат изборите, така се зголемува стравот на СДСМ од соочување со вољата на народот и плаќањето на казната за своето деструктивно делување. Со секој поминат ден, се подраматични стануваат обидите да се блокираат изборите и излезот од кризата. Аболицираниот криминалец Зоран Заев знае дека доколку не постои криза во Македонија, тој и СДСМ немаат ништо конструктивно да им понудат на граѓаните. Единствениот проект на СДСМ е деструктивната политика, лагите, фабрикациите и одржувањето на земјата во што подолга состојба на агонија, се вели меѓу другото во соопштението од ВМРО - ДПМНЕ во врска со ад-хок телото за следење на медиумското претставување.

Според ВМРО-ДПМНЕ, да сакала СДСМ слободни и фер медиуми, немало да бара да го назначува главниот уредник на информативната редакција на МТВ.

- Немаше да бара централно цензорско тело кое ќе кажува што е добар, а што лош новинарски став или мисла. СДСМ никогаш не сакал слободни медиуми, туку целосна контрола врз медиумите, стои во соопштението од ВМРО - ДПМНЕ.