ВМРО-ДПМНЕ: Време е да се крене и чуе гласот на сите оние кои се незадоволни од оваа антидржавна власт
Зоран Заев наместо живот донесе беда, наместо достоинство понижување. Државата е посрамена на меѓународен план, а урнисана на домашен план, соопшти денеска опозициската ВМРО-ДПМНЕ.
Оттаму велат дека главната одлика на оваа Влада е пресметката со неистомислениците, притисоците и реваншизмот.
-Граѓаните се разочарани. Секојдневните грижи, сиромаштијата и немањето на перспектива е доволна причина младите да ги ја побараат својата иднина во друга далечна држава. Процесот на иселување не само што не запре, туку е и забрзан откако СДСМ е на власт. Економијата тоне. Растот на БДП од 0.1% е доказ кон каква катастрофа не води СДСМ. Градежништвото е во колапс а достоинството на земјоделците е максимално згазено од неспособноста на власта, се вели во соопштението.
Од ВМРО-ДПМНЕ посочуваат дека живееме живот во кој поразите стануваат секојдневие, а победите ги нема.
-Време е да биде подобро во Македонија. Време е да се крене и чуе гласот на сите оние кои се незадоволни од оваа антидржавна власт. Неправдата која ја нанесува СДСМ мора да биде победена. ВМРО-ДПМНЕ ги повикува сите граѓани на Република Македонија на протестен марш во Струмица, во недела со почеток во 13 часот, собирно место во паркот во Струмица по шеталиштето па се до општината Струмица. Заеднички сложно одлучно, како и многупати што ќе се сретнеме, обединиме, собереме ова лето за Македонија ќе кажеме „Македонија ќе победи!“, потенцираат од ВМРО-ДПМНЕ.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден