ВМРО-ДПМНЕ со забелешки за новоформираниот совет за култура
ВМРО-ДПМНЕ новоформираниот совет за култура го оценува како совет за лечење фрустрации на СДС и Сорос и му препорачува да биде многу внимателен како ќе постапува, бидејќи, како што велат, мнозинството граѓани не го поддржуваат понижувачкиот однос кој тие го имаат кон македонската историја.
- Роберт Алаѓозовски не формираше совет за култура, туку совет за лечење фрустрации и варваризам. На членовите на овој совет не им беше доволно рушењето и сквернавењето споменици во платеничката револуција на СДС и Сорос, туку сега планираат покрај јадењето живи луѓе да ги изедат и спомениците на македонските херои и победи. Секој непромислен чекор на Алаѓозовски и советот против македонската историја и македонските херои, може да повлече соодветни последици, рече Милош Милошевски од ВМРО-ДПМНЕ во изјава дадена пред Фондацијата Отворено општество.
Владе Милчин од Сорос, Ѓунер Исмаил, Мирослав Грчев и уште плеада други војници на СДС и Сорос, додаде, седнаа во фотелјите во Министерството за култура каде „наместо да водат грижа за културното наследство, водат грижа за сопствениот бес и политиката на сеење омраза и поделби во општеството“.
- Овие луѓе кои плукаа по спомениците во платеничката револуција на СДС и Сорос, Алаѓозовски ги постави во советот за лечење фрустрации и варваризам за да го советуваат како да ги уништува спомен одбележјата на македонската историја. Овие луѓе кои за историските херои зборуваат со понижување, хероите кои гинеле за Македонија ги нарекуваат „булумента“, плукаат по Никола Карев и Илинденците, и најавуваат дека ќе ги минираат, рушат, топат и уништуваат спомениците, сега истите тие луѓе ќе му ги даваат овие совети на сталинистот Алаѓозовски. За овие луѓе како Владе Милчин, Ѓунер Исмаил и Мирослав Грчев, оддавањето почест кон историски важните личности во создавањето на македонската држава било навреда за нивната интелигенција, потенцира Милошевски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка