ВМРО-ДПМНЕ: СЈО и СДСМ вршат притисок врз судот
ВМРО-ДПМНЕ смета дека СЈО не поседува никакви докази и затоа со лажни и клеветнички изјави несвојствени за едно обвинителство се обидуваат да ја покрие својата пристрасност и непрофесионалност.
- Неверојатно е што денес кога по интервенција на СЈО се одложи рочиштето, токму тие напаѓаат и обвинуваат друг за тоа. Доколку не беше интервенцијата на СЈО денеска рочиште ќе имаше и брзо ќе можеше да се види вистината, но и лагите и конструкциите на СЈО како и на измамникот Жерновски, се вели во пишаната реакција од ВМРО-ДПМНЕ на изјавите на градоначалникот Андреј Жерновски и обвинителката Фатиме Фетаи.
Според ВМРО-ДПМНЕ, СЈО и владејачката гарнитура во континуитет преку јавни изјави и заплашувања вршат притисок врз судот. Нагласуваат дека членовите на ВМРО-ДПМНЕ се предмет на типична политичка хајка и прогон, а Никола Груевски и останатите уредно и редовно изразуваат почитување на судот и на законските процедури и притоа не смислуваат квази алиби.
- ВМРО-ДПМНЕ и нејзините членови се убедени дека секогаш ги почитуваат и ќе ги почитуваат законите, а времето ќе покаже дека сето ова што организирано го прават СДС и СЈО се само груби и неумесни конструкции и класично политички монтирани случаи, се наведува во реакцијата.
Жерновски, како што се наведува, кога би бил посветен на работа колку што е посветен на давање клеветнички изјави и манипулација, тогаш општина Центар би имала многу повеќе проекти за граѓаните.
- Тој мисли дека колку повеќе зборува на други теми, толку помалку ќе се гледа неговото неработење и безделничење. Жално е што еден градоначалник единствено по што може да биде актуелен се невистините и конструкциите кои ги прави, а не проектите и решавање на проблемите, стои во пишаната реакција од ВМРО-ДПМНЕ.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево