ВМРО-ДПМНЕ: СДСМ ги потценува граѓаните
Начинот на кој што СДСМ ги потценува граѓаните е навредлив.
СДСМ е единствена партија што се фали со рејтинг каде нема поместување.
Република Македонија по една година под власт на СДСМ е во општа економска стагнација.
Обновениот кредитен рејтинг ББ- е резултат на владите на ВМРО-ДПМНЕ во минатото . Овој кредитен рејтинг државата го има уште од 2013 година, а за прв пат оваа година поради расипништвото на СДСМ, Агенцијата Стандард и Пурс нотира дека ризик по рејтингот е нивото на Јавниот долг.
Реалноста е дека државата во овие година дена се задолжи за над една ипол милијарда евра, а само од почетокот на годината до сега нето долгот го зголемила над 540 милиони евра. Со вакво темпо јавниот долг бргу ќе ја надмине 50% од БДП.
Незнаењето да управуваат со економијата резултираше и со стагнација на економијата и 0% раст за 2017 година, во услови кога земјите од остатокот од регионот и Европа бележат економски напредок.
Власта е неспособна, а тоа го покажува и процентот на реализирани капитални инвестиции од почетокот на година до сега, кој изнесува 3%. Со ваков степен на реализација неизвесно е остварувањето на планираните капитални инвестиции за 2018 година.
За лошата економска политика придонесе и кампањата на СДСМ против странските инвеститори. Затоа нема нови странски инвеститори. Тие ја заобиколуваат државата и инвестираат во земјите од регионот.
СДСМ го напушти успешниот модел на привлекување на странски инвестиции на владата на ВМРО-ДПМНЕ, а ефектите од тоа веќе се гледаат.
СДСМ не го реализира ниту ветеното во својата изборна програма. Нема плати од 500 евра, нема повисоки пензии, нема повисока социјална помош.
СДСМ е вистинско цунами за македонската економија.
Една година СДСМ. Една година економска стагнација.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“