ВМРО-ДПМНЕ: Најважно е што има гаранции и се деблокираат процесите
ВМРО-ДПМНЕ денеска порача дека е најважно што постојат гаранциите кои вчера ги достави претседателот на СДСМ Зоран Заев за добивање мандат за формирање влада од претседателот на државата, како и дека се деблокираат процесите.
- Наредниот период ќе покаже кој ќе биде излажан од криминалецот Зоран Заев. Дали ќе бидат излажани лидерите на албанските партии кои јавно изјавуваа дека добиле согласност од СДС за реализација на елементите од тиранската платформа или ќе бидат излажани граѓаните на Република Македонија кои вчера беа сведоци на гаранциите дадени од Заев дека нема да реализира туѓи платформи и декларации, рече на прес-конференција Дарко Костовски од ВМРО-ДПМНЕ.
Тоа што е најважно во моментов, потенцираше Костовски, е дека гаранциите постојат и оти се деблокираат процесите. - Сите овие процеси ќе се деблокираа многу порано, доколку Заев ја прифатеше понудата да ја отфрли тиранската платформа и да се откаже од реализација на елементите содржани во неа, рече Костовски.
Со денешната исплата на субвенциите за земјоделците паднале во вода, како што рече, манипулациите кои СДС и од нив контролираните медиуми ги ширеа дека нема пари во буџетот. - Буџетот е ликвиден и пари за земјоделците се обезбедени и согласно динамиката за исплата ќе бидат исплаќани, нагласи Костовски.
Земјоделците, посочи, добиле над милијарда евра субвенции додека ВМРО-ДПМНЕ во изминатите 10 години го имаше мнозинството и одлучуваше околу земјоделската политика, за разлика од времето на СДС кога не добивале ниту евро помош од државата.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп