ВМРО-ДПМНЕ: Македонските граѓани со живот ја плаќаат неспособноста на власта на СДСМ

Драстично се зголемува бројот на починати и заболени. 10-тици животи се загубени поради несериозниост однос на власта кон здравјето на граѓаните. Она што најмногу загрижува е што голем дел од пациентите кај кои настанала смрт воопшто и немаат добиено здравствена нега од здравствените институции и починале на патот кон болницата.

Очигледно постои проблем со алгоритмот на Филипче и проценките за ширење на заразата која коси низ државата преку локална трансимисија. Во Македонија бројот на заболени од опасниот коронавирус е повисок споредбено со нашите соседи. На милион жители Македонија има повеќе заболени од Грција, Албанија и Бугарија. Загрижува и високата стапка на смртност. На милион жители Македонија е полоша и од Бугарија, Србија, Албанија и останатите, со најголем број на смртни случаи од коронавирусот.

ВМРО-ДПМНЕ уште еднаш апелира дека е потребно масовно тестирање со цел спречување на натамошната трансмисија на заразата, особено во епицентрите каде е најголем бројот на заболени како Скопје, Прилеп и Куманово. Срамно е граѓаните со денови да чекаат тестирање или резултати додека нивната здравствена состојба се влошува и нивниот живот е во ризик.

 За жал во Македонија во моментов имаме 117 заболени медицински лица или 20 проценти од вкупниот број заразени. Да не заборавиме дека медицинскиот персонал е во првите борбени редови со светската пандемија. За жал кај нас

медицинските лица голораки се борат со вирусот.

Здравствените работници ја немаат потребната опрема па така неретко бараат донации на социјалните мрежи и помош од поединци за да се заштитат од епидемијата. Владата мора да му овозможи на медицинскиот персонал соодветна заштита, а подобра и посоодветна грижа за граѓаните.