ВМРО-ДПМНЕ: Изминатите години реализиран инвестициски цисклус во здравството

ВМРО-ДПМНЕ преку соопштение реагираше на денешните обвинувања од СДСМ дека сеуште не е изграден новиот Клинички центар и оти не се инвестира во здравството.

Во соопштението се оценува прес-конференцијата на СДСМ како уште еден во низата очајни обиди да се манипулира јавноста дека не се реализираат инвестиции во здравството.

ВМРО-ДПМНЕ посочува дека во изминатите неколку години е реализиран инвестициски циклус каков што СДСМ не можеле ниту да претпостават дека е можен. 

- Само за потсетување, еве дел од нив: изградивме комплетно нова Детска болница во Козле. Изграден е новиот објект на ПЕТ-Центарот, кој е единствен од ваков тип во поширокиот регион, кој ќе овозможи најсовремена и најпрецизна дијагностика на секоја малигна клетка во организмот. Изградена е новата болница во Охрид, како и новиот објект на Универзитетската клиника за гинекологија и акушерство, наведува ВМРО- ДПМНЕ во соопштението. бак/17:30