Влијанието на телевизорот и компјутерот врз детето
Анализа заснована врз 58 различни истражувања од 23 земји, открива дека времето минато пред телевизор или компјутер со видеоигри води до пониски оценки в училиште.
Видеоигрите имаат влијание пред сѐ кај тинејџерите – кај нив се појавуваат таканаречените неквалитетни одлуки и проблеми со помнењето. Од друга страна, пак, компјутерските игри ја развиваат моториката и ориентациските способности на децата.
Препорачливо е децата под 18 месеци да не се изложуваат на никаков уред со екран, освен ако не се работи за видеоразговор со блиските. Научниците посочуваат дека телевизорот лошо влијае врз развојот на комуникациските способности и на социјализацијата кај бебињата и малите деца.
За двегодишните е дозволено учењето зборови од таблет, но тоа е поделотворно во присуство на родител. Децата меѓу три и пет години може да имаат полза од образовните телевизиски серијали, преку коишто учат и си ги подобруваат умствените способности. Од друга страна, пак, многу од содржините и апликациите за паметни телефони и таблети всушност и не се така квалитетни како што се претставени.
Кај децата на шестгодишна возраст и постари, се препорачува родителите да стават ограничување во времето пред телевизор. За нив е важна и комуникацијата родител – дете, т.е. да се објаснуваат содржините со коишто децата се среќаваат на интернет.
Целта е децата кои штотуку тргнуваат на училиште да имаат одредена резерва кон интернет-содржините, за да не станат жртви на дезинформации. Особено е битно тие да го разберат концептот на рекламите, како и поимите „хакер”, „интернет-трол” и „спам”.
Надзорот од родителите се препорачува и при гледањето телевизија и играњето компјутерски игри со своите деца.
Ново на Сител
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори