Влијанието на телевизорот и компјутерот врз детето
Анализа заснована врз 58 различни истражувања од 23 земји, открива дека времето минато пред телевизор или компјутер со видеоигри води до пониски оценки в училиште.
Видеоигрите имаат влијание пред сѐ кај тинејџерите – кај нив се појавуваат таканаречените неквалитетни одлуки и проблеми со помнењето. Од друга страна, пак, компјутерските игри ја развиваат моториката и ориентациските способности на децата.
Препорачливо е децата под 18 месеци да не се изложуваат на никаков уред со екран, освен ако не се работи за видеоразговор со блиските. Научниците посочуваат дека телевизорот лошо влијае врз развојот на комуникациските способности и на социјализацијата кај бебињата и малите деца.
За двегодишните е дозволено учењето зборови од таблет, но тоа е поделотворно во присуство на родител. Децата меѓу три и пет години може да имаат полза од образовните телевизиски серијали, преку коишто учат и си ги подобруваат умствените способности. Од друга страна, пак, многу од содржините и апликациите за паметни телефони и таблети всушност и не се така квалитетни како што се претставени.
Кај децата на шестгодишна возраст и постари, се препорачува родителите да стават ограничување во времето пред телевизор. За нив е важна и комуникацијата родител – дете, т.е. да се објаснуваат содржините со коишто децата се среќаваат на интернет.
Целта е децата кои штотуку тргнуваат на училиште да имаат одредена резерва кон интернет-содржините, за да не станат жртви на дезинформации. Особено е битно тие да го разберат концептот на рекламите, како и поимите „хакер”, „интернет-трол” и „спам”.
Надзорот од родителите се препорачува и при гледањето телевизија и играњето компјутерски игри со своите деца.
Ново на Сител
-
СК: Победи на Гут и Фојц
-
СП Ракомет: Македонија го заврши настапот во Египет со пораз од Белорусија
-
183 нови случаи на Ковид-19 во изминатото деноноќие, починати се 6 лица
-
Во Холандија судири меѓу демонстранти и полиција, 25 уапсени
-
Пожар во ЦК „Браќа Миладиновци“ во Струга
-
Во Албанија продолжуваат високите дневни бројки на нови случаи со Ковид-19
-
Маричиќ: Сегашната законска рамка дава простор да се испитува потеклото на имот
-
Без вода утре корисници од општина Карпош