Владите на Македонија и Косово наскоро ќе ја оддржат првата заедничка седница

Македонија и Косово предвидуваат зајакнување на соработката во повеќе сфери, особено во железничкиот сообраќај, дијаспората, одбраната, иновациите, културата, економијата...

Сето тоа ќе се реализира преку потпишување договори за интензивирање на соработката во овие области и тоа на првата заедничка седница на владите на Македонија и Косово.

Вицепремиерот задолжен за европски прашања Бујар Османи вчера на владина седница беше назначен за координатор за седницата и тој заедно со заменик-претседателот на косовската Влада треба да го одредат датумот за одржување на седницата, информира на денешната прес-конференција владиниот портпарол Мухамед Хоџа.  

Македонската Влада досега заеднички седници одржа со владите на Бугарија и Албанија.