Владиката Тимотеј со порака до Вселенскиот Патријарх: Македонскиот клир и верниците со желба го очекуваат томосот за автокефалност од Вселенската Патријаршија
Вчера, на 7 април 2024 година, во катедралниот храм „Св. Софија“ во Охрид, беше отслужена Литургија по повод Третата недела од Великиот пост, позната како Крстопоклона недела, и празникот Благовештение на Пресвета Богородица, кој се смета за престолен празник на МПЦ-ОА. На чело на службата беше Митрополитот Дебарско-кичевски Тимотеј, а заедно со него служеа високи претставници од Вселенската Патријаршија и Православната црква на Грција, Митрополитот на Имврос и Тенедос Кирил и Митрополитот на Дидимотика Дамаскин. По повод ова заедничко служење на големиот празник, домаќинот Митрополит Тимотеј одржа беседа и се обрати кон гостите со пригоден говор. Обраќајќи се до претставникот од Вселенската Патријаршија митрополитот Кирил, владиката Тимотеј меѓу другото порача до Вселенскиот Патријарх Вартоломеј дека не само црковниот клир и монаштвото, туку и верниците кај нас силно се залагаат за единство со целиот православен свет и со желба очекуваат добивање на томос за автокефалност од Вселенската Патријаршија, кој би го официјализирал и признал статусот на Црквата во Македонија во рамките на православниот христијански свет.
Митрополитот Кирил на крајот на настанот му подари на митрополитот Тимотеј икона од Света Троица и крст.
Митрополитот Кирил од Вселенската Патријаршија и Митрополитот Дамаскин од Црквата на Грција се наоѓаат неколку дена во посета на македонските цркви и манастири. Во петокот и саботата тие се наоѓаа во манастирот Пречиста Кичевска, каде што богослужеа со епископот Анатаниски Партениј.
Нина Аритоновска
Ново на Сител
-
Без струја дел од корисниците во Бутел, Аеродром и Чучер Сандево, без вода во Кисела Вода и Центар
-
Голем пожар на Тасос, туристите се евакуираат
-
ДЗР: Државниот буџет бил доминантен извор за финансирање на изборните кампањи за Парламентарните избори 2024 година
-
Едно лица смртно настрада во сообраќајка во близина на Охрид
-
Тим од четата за атомско биолошка и хемиска одбрана на Армијата собира податоци за воздухот во Визбегово
-
Објавен повик за бројот 116 000 за повикувачки центар за исчезнати деца
-
ЦУК: Активни девет пожари, под контрола четири
-
Нормализиран сообраќајот кон ГП Блаце, од клучките Орман до Мирковци и на експресениот пат Ранковце-Крива Паланка