Владата одлучи: Контрола на сите плантажи за канабис

Владата одлучи да почнне процес на вонредни контроли на сите легални поризводители на медицински канабис. Одлуката е донесена на вчерашната седница

-Владата ги задолжи институциите во рамки на своите надлежности да ги преземат сите законски утврдените мерки и активности и да извршат вонредни контроли на сите правни лица кои имаат одобрение за одгледување и производство на канабис за медицински цели на цела територија на државата и во рок од 45 дена да достават извештај до Владата, информираше владината прес служба.

Ваквата одлука доаѓа по големата акција на полицијата и обвинителството во која од два магацини во Скопје и струмичко без запленети околу 40 тони марихуана. Вчера, Премиерот Мицкоски и министерот за внатрешни работи Тошковски заедно со раководството во МВР беа во складот во кој се чува заплентата марихуана. Од она што можеше да се види на снимките кои ги објави МВР, марихуаната ја чуваат полициски специјалци, а таа е наредена во картонски кутии.

Премиерот веќе изјави дека се сомнева дека поранешен министер го изменил правилникот и овозможил да се одгледува марихуана за која се знаело дека не може да стане масло од канабис, што според законот е единствениот легален производ. Обвинителството само потврди дека се запленети околу 40 тони без да изнесе повеќе детали за евентуално осомничени или приведени лица.

Акцијата на полицијата и обвинителството следеше по информацијата дека во Србија се запленети 5 тони марихуана а приведено е лице кое е споственик на легален бизнис за производство на медицински канабис во Македонија.