Владата на Хонг Конг ги призна резултатите од локалните избори, апсолутна победа на продемократската опозиција
Првиот човек на администрацијата на Хонг Конг, Кари Лам, денеска изјави дека нејзината влада ги признава резултатите од локалните избори, на кои претставниците на демократскиот блок освоија апсолутно мнозинство, јавија агенциите.
Изборите се оддржаа во екот на шестмесечните антивладини протести и се сметаа за барометар за поддршката за антивладиното движење или за власта на шефицата на локаланата администрација во Хонг Конг, Кари Лам.
Излезноста на овие избори беше рекордна. Вкупно 2,94 милиона гласачи го искористија свето избирачко право, што претставува 71,2 отсто од вкупниот број регистрирани избирачи. За споредба, во 2015 година излезноста на локалните избори изнесуваше едвај 47 отсто.
Во 9 часот по локално време продемократските сили победуваа во 17 од 18 дистрикти, освојувајќи повеќе од 278 места. Пропекингшкиот политички камп досега освои само 42 места, а независните кандидати успеаја да освојат 24 места.
„Владата на специјалниот административен реон ги признава резултатите од оддржаните избори. Потенцирам дека многумина резултатите ги толкуваат како израз на незадоволството на населението од ситуацијата во општеството и други важни прашања. Владата е подготвена да го слушне мислењето на граѓаните и сериозно да ја разгледа ситуацијата“, се наведува во соопштението на Кари Лам.
Таа, воедно, изрази надеж дека мирната ситуација во градот ќе се задржи и во иднина.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање