Владата бара Македонска пошта да ги намали непродуктивни трошоци
АД за поштенски сообраќај-Македонска Пошта Скопје треба да подготви програма за намалување на непродуктивни трошоци и во рок од два месеца да ја достави до Владата.
Тоа е одлучено на вчерашната владина седница, на која се дискутирало и се усвоени Извештајот за финансиското работење на ЈП МЖ Инфраструктура, како и годишната сметка т.е Финансискиот извештај и Извештајот за работењето за 2016 година на АД за поштенски сообраќај-Македонска Пошта Скопје. Со владина одлука ги одобрила годишните сметки за финансиското работење на двете јавни претпријатија и нивниот финансиски извештај, соопшти владината служба за информирање.
Владата го разгледала и финансиското работење на Јавното претпријатие за државни патишта за периодот јануари - март годинава. На ЈПДП, со одлука на Владата, му е наложено да одреди надзорен орган и рокови во кои ќе изврши надзор над извршените работи од градежните компании, се вели во соопштението.
Ново на Сител
-
Средба Мицкоски-Орбан и заедничка владина седница во Охрид
-
УЈП најави строги контроли на претстојните „Денови на кочанскиот ориз“
-
Денеска е Светскиот ден на туризмот
-
Преглед на вестите од светот
-
Ќе ќари ли Бугарија поени откако падна одлука Тирана и Скопје одделно да чекорат до ЕУ?
-
Тема на денот со Игор Митревски, инженер и специјалист за безбедност во сообраќај
-
Орбан пристигна во Охрид
-
Општините да внимаваат како ќе ги трошат парите од унгарскиот заем