Македонија
24. April 2019 - 18:14

Влада: Средбата со работодавачите на текстилниот кластер е на нивно барање за да се разговара за развојот на текстилната индустрија

Владата на Република Северна Македонија категорично ги демантира и ги оценува како инсинуации тврдењата на ВМРО-ДПМНЕ за средбата на премиерот Зоран Заев, министерот за финансии Драган Тевдовски и министерката за труд и социјална политика Мила Царовска со делегацијата на работодавачите од текстилниот кластер.

Владата информира дека средбата е организирана на барање на работодавачите од текстилниот кластер со цел да се разговара за унапредување на условите за развој на текстилната индустрија.

Портпаролот на ВМРО-ДПМНЕ Димче Арсовски денеска на прес-конференција посочи дека до нив стигнале инфомрации дека министрите Царовска и Тевдовски денеска во Владата ги повикале претставниците на текситлната индустрија и јавно праша  која е целта на оваа средба и зошто се случува токму после првиот круг од претседателските избори.