Влада: 31.080 денари просечна месечна нето-плата
Просечната месечна исплатена нето-плата по вработен во март 2022 година изнесува 31.080 денари, согласно податоците на Државниот завод за статистика. Ова значи и реализација на клучно ветување за просечна месечна нето-плата од 30.000, што веќе евидентирано ја надминува поставената цел. Во однос на март 2021 година, таа е зголемена за 10,1 отсто или за 2.863 денари.
Како што информира владината прес-служба, согласно статистика, ваквото зголемување се должи пред сѐ на зголемувањето на просечната месечна исплатена нето-плата по вработен во секторите: Финансиски дејности и дејности на осигурување (21.4 отсто), Уметност, забава и рекреација (20.2 отсто) и Објекти за сместување и сервисни дејности со храна (19.5 отсто).
-Податоците на Државниот завод за статистика го потврдија трендот на раст на платите, кој е резултат на економските мерки и политики што ги спроведува Владата. Доколку последниот податок го споредиме со март 2017 година кога просечната плата била 22.445 денари, разликата е 8.635 денари, стои во соопштението.
Владата, како што се наведува, и во услови на најголема светска криза, продолжува со засилена динамика, да носи мерки во интерес на граѓаните.
-Минималната плата е зголемена на 18.000 денари, пензиите доживеаја историски највисок раст, а невработеноста е исто така на историски најниско ниво. Владата со сите засегнати страни низ дијалог, креира методологии со кои платите и пензиите, ќе продолжат континуирано да растат, се вели во владиното соопштение.
Ново на Сител
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците
-
Приведен крадец од Струмица, одземеното вратено на сопственикот
-
Земјотрес од 4,1 степени утрово во Србија
-
Јавниот превоз во Скопје утре по неделен возен ред
-
Приведени двајца криумчари, пронајдени мигранти од Кина
-
Приведен грчки државјанин поради давање поткуп