Високи претставници од разузнавачки агенции се на состанок во Сингапур
Високи претставници на дваесетина најголеми светски разузнавачки агенции се на таен состанок на маргините на состанокот Шангри-Ла дијалог во Сингапур овој викенд, јавија западни медиуми цитирајќи свои неименувани извори.
Таквите состаноци ги организира владата на Сингапур и се одржуваат дискретно веќе неколку години, велат изворите. Ова е првпат да се известува за овие средби, јавија западни новински агенции.
Претставник на САД на средбата е директорката на националното разузнавање Аврил Хејнс. На средбата учествуваше и претставник на Кина и покрај тензиите меѓу Пекинг и Вашингтон.
Според индиски извор, на средбата има и претставник на Индија.
„Разузнавачките служби се придржуваат до непишаното правило дека можат да комуницираат меѓу себе кога е потешко преку поформална и отворена дипломатија. Тоа е многу важен фактор во време на тензии“, изјави извор запознат со тоа прашање.
Портпаролот на Министерството за одбрана на Сингапур рече дека Дијалогот Шангри-Ла „високи разузнавачки службеници, исто така, ја користат можноста да се сретнат со своите колеги“.
„Можно е Министерството за одбрана на Сингапур да помогне во одржувањето на некои од овие билатерални или мултилатерални состаноци. Учесниците сметаат дека овие состаноци одржани на маргините се корисни“, објасни портпаролот.
Амбасадата на САД во Сингапур соопшти дека нема информации за состанок на разузнавачки претставници. Владите на Кина и Индија не одговориле на барањата на медиумите за коментар за тоа прашање.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија