Викендов без прволигашки фудбал во Скопје

Поради безбедносни препораки на МВР викендов во Скопје нема да има прволигашки фудбал.

Работнички како домаќин со Шкупи ќе игра в недела во Велес и тоа без присуство на публика.

Дуелот Шкендија – Младост Царев Двор, кој беше првично закажан да се игра в недела на стадионот во Чаир е презакажан за во понеделник од 14 часот. Колото завршува со дуелот на лидерот и првак Вардар со Брегалница во вторник на „Филип Втори“.

В недела во Кратово играат Силекс и Металург додека Ренова ќе игра со Турново во Кичево.

Почетокот на средбите е во 14ч.