Викендот без ДДВ на 10, 11 и 12 октомври
Продолжениот викенд за 11 октомври ќе биде викендот без ДДВ за сите граѓани, најавува премиерот Зоран Заев.
-Конечно, продолжениот викенд 10, 11 и 12 октомври ќе биде викенд без ДДВ за сите граѓани, мерка што ја најавивме пред некое време, а со овој пакет истата ќе се реализира, па граѓаните низ три неработни денови ќе можат да ја реализраат својата потрошувачка, по пониски цени, вели премиерот Заев во интервју за Локално.
За четвртиот пакет мерки што се претставува неделава истакнува дека во следните три месеци ќе се обезбедат директна помош и поддршка за работниците и за стопанството.
-Нема да застанеме на ова, туку ќе продолжиме уште повеќе да помагаме на работници и компаниите. Оваа недела го претставуваме четвртиот пакет антикризни мерки кои во следните три месеци ќе обезбедат директна помош и поддршка за работниците и за стопанството. Ги опфаќаме најсиромашните граѓани, за да ја зголемиме нивната потрошувачката моќ, но и поддршката за компаниите, за да даваат плати и да ги задржат работниците. Помошта за платите во најпогодените сектори и за зачувување на работни места ќе продолжи. Дополнително, ќе има стимулативни мерки за враќање отпуштени работници во време на кризата, истакнува премиерот.
Тој додава дека платежни картички ќе добијат пензионерите со пензии под 15.000 денари, пасивните баратели на работа, самохраните родители. Паралелно со ова, следува засилено финансирање на капиталните инвестиции во чија реализација ќе бидат ангажирани домашните компании.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари