Видео од страшниот земјотрес од 8,2 степени кој го погоди Мексико - сѐ се тресе, луѓето во паника

Бројот на жртвите од земјотресот во Мексико се искачи на 5 лица. Мртвите биле жители на јужните држави Чиапас и Оахака. Има извештаи за бројни уништувања во овие региони.

Властите ги затвориле училиштата во главниот град и во неколку држави за да ги проверат зградите. 

Според последната сеизмолошка служба на Мексико, јачината на земјотресот изнесувала 8,2. Епицентарот бил 137 километри југозападно од Тонала, Чиапас. Потресот бил на длабочина од 19 километри. 

Центарот за предупредување за цунами во Пацификот објави на веб-страницата на Твитер дека земјотресот предизвикал цунами од 70 сантиметри што стигнало до мексиканскиот брег.