Вицепремиерот Османи во посета на Германија
Заменик претседателот на Владата задолжен за европски прашања Бујар Османи денеска ќе отпатува во работна посета на Берлин, Сојузна Република Германија, каде на средби со германски високи претставници ќе ги презентира реформите во делот на евроинтеграциите, динамиката на спроведување на мерките од Планот 3-6-9 и можноста за германска поддршка за нивна имплементација.
Како што соопшти СЕП, вицепремиерот Османи утре ќе оствари средби со Михаил Рот, државен министер за Европа во федералното Министерство за надворешни работи и со Андреас Гис, директор за развојна соработка, во Министерството за економска и развојна соработка на Германија.
- Реформите поврзани со процесот на европска интеграција на Македонија, особено динамиката на реализацијата на мерките од Планот 3-6-9, како и можностите за германската поддршка за нивна имплементација ќе бидат во фокусот на разговорите. На средбите ќе се разговара и за Берлинскиот процес како и имплементацијата на мерките од Агендата за поврзување кои се особено значајни за понатамошно унапредување на регионалната соработка, како важен сегмент за процесот на пристапување во ЕУ, наведуваат од СЕП.
Дополнително, во рамки на посетата на Берлин, Османи ќе се сретне и со д-р Кристоф Бејер, потпретседател на Управниот одбор на ГИЗ, како и со претставници на фондациите „Конрад Аденауер“ и „Фридрих Еберт“, стои во соопштението од СЕП.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО