Верниците масовно ги напуштаат двете христијански цркви во Германија
Хина
Загрижувачки тренд
Секретарот на конференцијата Ханс Лангердоерфер овој тренд го нарече „загрижувачки“, и како главна причина го наведе објавувањето на минатогодишното големо истражување за злоупотребувањата на малолетниците внатре во црквата.
– Многумина не ни веруваат дека консеквентно и одлучно дејствуваме против сторителите во сопствените редови, рече Лангердоерфер за германската агенција ДПА.
Претседателот на Советот на Протестантската црква, Хеинрих Бедфорд-Штром, објасни дека секое излегување од црквата е „болно“, но дека денес верниците се целосно слободни да можат да одлучат дали сакаат да останат членови на црковната заедница или не.
– Ние сме им благодарни на сите кои со силата на сопствената волја одлучиле да останат во рамки на црквата, рече Бедфорд-Штром.
Црковниот данок како причина за заминувањето
Познатиот криминолог и активен член на Протестантската црква, Кристијан Фајфер, смета дека и црковниот данок во Германија е една од причините за напуштањето.
– За разлика од САД, црквата во Германија може да се потпре на сигурните приходи од данокот што може да ја направи потромава, рече Фајфер.
И покрај падот на бројот на верници, заради трендот на зголемување на платите и поволната економска ситуација приходите од црковниот данок не се намалени.
Во Германија припадниците на една од двете црковни заедници плаќаат таканаречен црковен данок што изнесува од осум до девет отсто од данокот на приход.
Католичката црква во моментов има 23, а Протестантската 21 милион верници низ цела Германија.
Ново на Сител
-
Алкалоид осминафиналист во Европскиот куп
-
Во Грузија и вечерва продолжија антивладините протести
-
ФФМ: Одложени натпреварите од 17. коло во ПМФЛ
-
Семејна драма во Штип: Мајка ја нападнала ќерка си
-
Поради снег забрани за тешки товарни возила на патот Кичево - Охрид и кај Плетвар
-
Малолетник од Скопје со нож се заканувал на соученици
-
Прегазен пешак во Битола, итно пренесен на Клиника
-
Одредена мерка притвор за тројцата учесници во инцидентите во Скопје