Велосипедска тура на Бистра

Тура за планински велосипедисти ќе се одржи денеска на планината Бистра со старт од селото Тресонче.

Турата претставува целодневен велосипедски настан во кој групата велосипедисти ќе извози кружна патека од 56 километри на планината Бистра во која влегуваат селата Тресонче, Селце, Галичник и Лазарополе.

За секој учесник организаторот - Здружението за спорт и рекреација „Прв до врв“ од Скопје, обезбеди маркирана патека, водичи на групата, прва медицинска помош, станици со вода и освежување, ручек и сувенир маичка од настанот.