Велика Британија предлага воведување царински станици со Ирска, Даблин одби
Велика Британија предлага после Брегзит да се постават царински станици од двете страни на ирската граница за да се избегне потребата од контроли на границата, но идејата беше одбиена од ирскиот министер за надворешни работи, пренесува ирската РТЕ.
„Тие центри се всушност царински станици и би биле лоцирани на осум до 16 километри од границата“, појасни тој, додавајќи дека Лондон тоа го предложил во таканаречениот „нон пејпер“, кој го испратил во Брисел.
Британските медиуми информираат дека тие центри за царинење се всушност дел од новите предлози што британскиот премиер Борис Џонсон ќе ги претстави пред претставниците на ЕУ оваа недела.
Предлогот за воведување царински станици веќе го отфрлија Даблин и ирскиот министер за надворешни работи.
Бекстоп, заштитен механизам со кој се сака да се спречи поставување на цврста граница на ирскиот остров, е неприфатлив за заговорниците на Брегзит, бидејќи во тој случај не би имале „одврзани раце“ за склучување договори за слободна трговија со трети земји.
Претседателот на Европската комисија Жан-Клод Јункер изјави дека постоењето на бекстоп не е неопходно за да се постигне договор со Велика Британија за напуштање на ЕУ.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата