Велика Британија одобри употреба на вакцините на Оксфорд и на АстраЗенека
Британскиот министер за здравство Мет Хенкок рече дека е одобрена за употреба вакцината на Оксфорд/АстраЗенека.
Дистрибуцијата ќе започне на 4 јануари „и навистина ќе се забрза во првите неколку недели од следната година“, објави Би-Би-Си.
Велика Британија нарачала 100 милиони дози од производителот AstraZeneca - доволни за вакцинирање на 50 милиони луѓе.
Одобрувањето, од регулаторот на лековите, значи дека вакцината е безбедна и ефикасна.
Вакцината Оксфорд-АстраЗенека е дизајнирана во првите месеци од 2020 година, тестирана на првиот волонтер во април и оттогаш поминала низ масовни клинички испитувања во кои учествувале илјадници луѓе.
Развиена е со темпо што ќе беше незамисливо пред пандемијата.
Тоа е втора вакцина која што е одобрена во Велика Британија откако вакцината Pfizer-BioNTech доби зелено светло во декември.
Повеќе од 600.000 луѓе во Велика Британија се вакцинирани откако Маргарет Кинан стана прва во светот што ја доби вакцината надвор од клиничките испитувања.
Но, вакцината Оксфорд-АстраЗенека ќе доведе до значително зголемување на вакцинацијата, бидејќи е ефтина и лесна за масовно производство.
Од клучно значење е што може да се чува во стандарден фрижидер - за разлика од вакцината на Pfizer-BioNTech на кој и треба ултра-ладење на -70 C - така што ќе биде далеку полесно да се набави вакцината од Оксфорд.
Веќе се идентификувани приоритетните групи за имунизација - вклучително и старите лица, жителите на домовите и здравствените работници.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола