Велигденска средба на дебарските верски старешини
Дебарските верски старешини ја продолжија вековната традиција на меѓусебно почитување и посети за верските празници. Муфтијата Хаџи Рамазан ефеди Хаса денеска го посети седиштето на Дебарската парохија во црквата „Света Петка“ и од името на исламските верници на намесникот Миле Ангеловски му ги пренесе честитките до него и православните верници.
- Ние сме денеска тука заедно за да им покажеме на сите дека улогата и вредноста на овие верски празници е да ги соединат луѓето, да изградат мостови на разбирање и соживотот и да создадат услови за рамноправност и сигурен живот меѓу луѓето. Апелирам верските празници да не ги злоупотребуваат оние кои не го сакаат соживотот, каде и да се, затоа што верските прописи порачуваат единство, толеранција и соживот меѓу народите, без разлика на верската и националната припадност затоа што сите луѓе имаат исто потекло од еден татко и мајка, рече муфтијата Хаса.
Заблагодарувајќи се на посетата и честитките, намесникот Ангеловски посочи дека она што е наследено од постарите и младите го негуваат како светост.
- Ова е моја прва средба како намесник по повод празник со муфтијата, но ние секојдневно комуницираме. Убеден сум дека и ние младите ќе продолжиме по патот на кој не научиле нашите постари. Дебар е пример за тоа што значи верска толеранција и соживот, рече Ангеловски, кој од неодмана е нов намесник на Дебарската парохија.
Заедничка порака на старешините и нивните соработници од средбата е Дебар да биде пример за цела Македонија, регионот и светот, како може да се почитува и живее заедно
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера