Велешките еколози бараат да се заштитити локалитетот Долна Бабуна и Пешти

Еколошкото друштво „Вила Зора” од Велес денеска побара да се стопира несовесното узурпирање и уништување на локалитетот Долна Бабуна и Пешти во околината на Велес со огромен број на дивоградби на локации покрај самата река, кои без никаква контрола се градат од страна на несовесни граѓани.

Како што информира Ненад Коциќ претседател на друштвото, после нивниот проектот од пред десетина години, а со кој била поставена урбана опрема на самата локација, сега  локалитетот е запуштен, несреден и од место во кое уживале велешани, посебно во вакви тропски горештини, сега е  запуштено и узурпирано подрачје.

-Нагласуваме дека Долниот тек на реката Бабуна е прогласен за Подрачје со карактеристичен пејсаж од страна на Македонија. Затоа јавно ја повикуваме Општина Велес да преземе мерки за да се  заштитат ендемските видови флора и фауна кои живеат на ова подрачје, бара Коциќ од името на еколозите и сите граѓани кои го сакаат овој локалитет и сметаат дека итно треба да се заштити од несовесните граѓани.