Вечерва и убиецот на Мартин Јанушев спроведен во затворот во Шутка

Полицијата вечерва го обезбеди Филип Секуловски Кобра, убиецот на младиот фудбалер Мартин Јанушев кој е во бегство речиси две години, дознава Сител.

Секуловски, кој беше баран со потерница од МВР, според извори на Сител веќе е во затворот во Шутка.

Мартин Јанушев на 3. ноември 2017 година беше застрелан пред неговиот дом во населбата Аеродром.

Претходно, полицијата го пронајде затвореникот кој денеска успеа да им побегне на затворските полицајци кои го транспортирале на преглед, потврди МВР.

Тој е пронајден околу 17:30 часот во близина на село Пресница, општина Липково.