Вдовицата на Слободан Милошевиќ, Мира Марковиќ, тужи поранешен директор на затвор
Вдовицата на поранешниот југословенски претседател Слободан Милошевиќ, Мира Марковиќ, поведе судски процес против поранешниот директор на Окружниот затвор во Белград, Драгиша Блануша, за неговата книга „Го чував Милошевиќ“, во која раскажува за деновите кои Милошевиќ ги минал во затворот, пред да биде одведен во Меѓународниот трибунал за воени злосторства во поранешна Југославија, пренесе Танјуг.
Според српските медиуми, Блануша е обвинет дека во книгата, издадена во 2001 година, објавил доверливи податоци за разговори на Милошевиќ со неговите адвокати и со членови на неговото семејство, како и фотографии што ги направил без одобрение.
Мира Марковиќ го обвинува Блануша и за „киднапирање“, откако на неидентификувани лица на 28 јуни 2001 година им одобрил да го одведат Милошевиќ од затворот, а потоа и да го префрлат во притворскиот оддел на трибуналот во Хаг, каде подоцна, на 11 март 2006 година, тој почина.
Србија му го предаде Милошевиќ на Меѓународниот трибунал во Хаг, откако со хеликоптер го зеде од дворот на затворот во Белград.
Мира Марковиќ доби политички азил во Русија и веќе 10 години се нема вратено во Србија.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера