Ваучери за 40 новородени деца во општина Кисела Вода

Општина Кисела Вода денеска додели нови 40 ваучери за новородените деца од овој дел на градот. Со тоа, бројот на семејства на кои општината им доделила еднократна парична помош се искачи на 1.140.

Одлуката за јавно доделување на ваучери за еднократна парична помош во износ од 6.000 денари на семејствата кои имаат принова се спроведува веќе две години, и е со цел да им се излезе во пресрет на семејствата за нивните првични потреби кои доаѓаат со новороденчето.

Според најавите од општината, ваучерите за новородени деца ќе се доделуваат до крајот на мандатот на градоначалникот Билјана Беличанец-Алексиќ.