Василиј Небензја е новиот постојан претставник на Русија во ОН

Василиј Небензја е именуван за постојан претставник на Русија во ОН со указ од претседателот Владимир Путин, објави денеска Кремљ.

Со друг претседателски указ Небензја е повлечен од должноста заменик министер за надворешни работи.

На 25 мај Комисијата за надворешна политика при Државната дума ја поддржа кандидатурата на дипломатот, а на 29 мај е потврдена и од комисија при Советот на федерацијата.

Василиј Алексеевич Небензја е роден во 1962 година и имал различни должности во руското МНР, во руската амбасада во ОН и во други меѓународни организации во Женева.

Негов претходник на оваа функција беше Виталиј Чуркин, кој ненадејно почина во февруари годинава во Њујорк.