Вашингтон Пост: Маск без успех апелирал до Трамп да се откаже од воведувањето нови царини

Американскиот милијардер Илон Маск изминатиот викенд апелирал до американскиот претседател Доналд Трамп да ја повлече одлуката за воведување нови царини, јави денеска Вашингтон пост.

Апелот на Маск, не била успешен, а тој разговор меѓу Маск и Трамп бил најголемото недоразбирање досега меѓу претседателот и важниот соработник во американската администрација.

Ниту Белата куќа, ниту Маск засега не ги коментираа наводите на весникот.

Маск, советникот на Трамп задолжен за Одделот за владина ефикасност, кој има за цел да ги намали владините трошоци, повика на воспоставување нула царини меѓу САД и Европа.