Вашингтон го повика Пјонгјанг да се воздржи од понатамошни провокации

Северна Кореја тестираше две балистички ракети со краток дострел, објавија вчера јужнокорејски и американски официјални претставници.

Американскиот Стејт департмент го повика Пјонгјанг да се воздржи од понатамошни провокации и изрази надеж дека ќе продолжи со разговорите на работно кои прекинаа по неуспешниот самит во Ханој во февруари.

Американскиот државен секретар Мајк Помпео изјави дека Вашингтон сé уште гледа дипломатски пат напред и најави нови разговори „за неколку недели“.

– Сакаме дипломатијата да работи. Сакаме претседателот Ким да го исполни ветувањето што му го даде на претседателот Трамп, а тоа е дека тој ќе ја реши ситуацијата, рече тој во интервју за Блумберг.

Ракетните тестови на Северна Кореја не беа закана за САД и Јужна Кореја, се вели во соопштението на заедничката воена команда на двете земји.

Ракетата, која Северна Кореја ја тестирала вчера, летала на 600 километри и се верува дека е нов вид на оружје, стои во соопштението.