Ванковска: Зарем не е малку претерано да апсиш оперски пејач за тероризам, во држава која ни во 2001 година не зборуваше за тероризам
Професорката Билјана Ванковска денеска со свое видување за апсењето на обвинетите за упадот во Собранието на Р.Македонија на 27 април годинава:
Сега гледам дека утринава имало апсења во врска со настаните од 27 април. И тоа е во ред, требаше многу порано да се реагира. Бидејќи немам детаљи, зарем не е малку претерано да апсиш оперски пејач под сомнение (и законски основ) за тероризам, особено во држава која ни во 2001 година не зборуваше за тероризам, ниту осуди некого за напад врз уставниот поредок?! Не знам како можам на исто ниво да го ставам Дурловски со Тарчуловски, Муковски или Чавков? Но, она што сега следува е така типично македонско: сеирење и злорадост за тој кој колку ќе лежел или „висел“. Дајте, луѓе, оладете малку и сфатете дека токму за делата со кои се поврзуваат припадниците на бившата власт, токму поради тежината на она за што се теретат и заради нужните импликации, она што ни треба е правично и фер судење, а тоа подразбира најнапред пресумпција на невиност, покренување обвинение, па судење со сите салтанати и казна откако ќе се исцрпат сите правни лекови. Само така, кога ќе бидат осудени, нема да бидат маченици. Да, правдата е спора и, во демократско општество, не е јакобинска. Настрвениот народец сака крв, ама тоа не (мора да) е право и правда. Истовремено, да ве потсетам, тој ден во Собранието се одбиваше противуставен чин, за кој ниту еден од овие јунаци не се најде да бара процедурална правда, бидејќи беше политички/етнички некоректно.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова