Валс: Не се плашам од гласањето недоверба на Владата

Францускиот премиер Мануел Валс изјави денеска дека не се плаши дека неговата социјалистичка Влада би можела да падне по гласањето за недоверба во Парламентот, закажано за в четврток.

Гласањето е ставено на дневен ред, откако напорите на кабинетот на Валс за спроведување на реформите на работното законодавство предизвикаа масовни протести.

- Ако има пратеници од редовите на левицата, кои сакаат да гласаат за недоверба на Владата, нешто што го предложи десницата, тогаш тоа тие можат да го направат. Но каква противречност би била тоа, изјави тој за француската телевизија ТФИ.