Вака се простија од рускиот херој: 30.000 луѓе на погребот на пилотот кој јуначки се бореше со џихадистите до последниот куршум, а потоа се разнесе

Околу 30.000 луѓе присуствуваа на комеморацијата и погребот на рускиот пилот чиј авион беше соборен над северната сириска провинција Идлиб.

 

Пилотот Роман Филипов успеал да се катапултира, но по судирите со екстремистите на земја, се саморазнел активирајќи рачна граната откако увидел дека екстремистите му се приближуваат.

 

На комеморацијата присуствуваа рускиот министер за одбрана Сергеј Шојгу и други истакнати функционери, објавија агенциите.

 

Како што е објавено, Филипов е погребан во Воронеж, град во југозападна Русија.

Филипов бил оженет и татко на четиригодишно девојче.

 

Рускиот претседател Владимир Путин пред два дена постхумно го одликуваше загинатиот руски пилот Роман Филипов за херој на Русија

 

Телото на рускиот пилот Роман Филипов, кој загина откако неговиот авион Сухој-25 го собориле припадниците на џихадистичката група Тахрир ел Шам над територијата контролирана од страна на екстремистите, во вторникот било префрлено во Русија.

 

Филипов се катапултирал во близина на селото Тел Дебес и до последен момент се борел против екстремистите со оружјето што го имал со себе, беше наведено во соопштението на руското министерство, пренесе Тасс.

 

Џихадистичката група Тахрир ел Шам ја презеде одговорноста за соборувањето на рускиот борбен авион Су-25 во северниот дел на Сирија.

 

Оваа група, на која претходно ѝ се приклучила екстремистичката Нусра фронт, тврди дека авионот го собориле со рачен ракетофрлач, но не прецизирале кој е одговорен за убиството на пилот кој се катапултирал.

 

Нусра фронтот некогаш бил огранок на Ал Каеда во Сирија.