Две лица се удавија денеска откако обилните дождови поплавија лифт во една зграда во Тел Авив, пренесуваат официјални лица од израелската служба за спасување.
Спасувачките екипи мораа да користат нуркачка опреме за да дојдат до лифтот и да ја извлечат заглавената двојка, која починала веднаш по доаѓањето во болница.
Соопштено е дека жртви се жена и маж во 30-тите години, пренесува АП.
Обилните дождови се засилија во попладневните часови и предизвикаа поплави ширум приморскиот Тел Авив, поради што се затворени патиштата.
Се очекува дожд да паѓа и во недела.
Во палестинската енклава Газа дождот поплави неколку улици, но нема извештаи за жртви.
