Ужасна исповед на пациент што се разбудил среде операција на срце: Ги слушнав лекарите како ми го сечат градниот кош

Будењето среде операција не е нов поим, но ова е само една од ужасните приказни на пациентите кои доживеале да бидат апсолутно свесни на операционата маса.

Сидни Л. Вилијамс морал да оди на операција на отворено срце што подразбира сечење на целиот граден кош. Пред операцијата хирургот му рекол дека шансите да преживее или да умре на масата се 50:50. Му дале анестетик, па почувствувал како тоне во сон.

Сепак, се разбудил од звукот на пилата со која е сечен неговиот граден кош. Се обидувал на лекарите да им каже што се случува, но од него не излегувал никако звук, а потоа сакал да им даде знак со телото, но повторно неуспешно.

Не можел дури ни да плаче, зошто анестетикот ја запрел работата на неговите солзни жлезди. Слушнал како лекарите расправаат за состојбата на неговото срце, односно за тоа колку е оштетено.

Секунди подоцна, почувствувал болни бранови како му минуваат низ телото, и шокиран сфатил дека срцето престанало да му чука. Затоа лекарите му давале електрошокови, а болката која ја почувствувал е нешто најлошо што дотогаш искусил.

По будењето, го опишал тој настан како „погреб на жив човек“.

За среќа Вилијамс успеал да преживее, но од последиците не успеал да се ослободи - од тогаш страда од ужасни ноќни кошмари поради кои шкрта со забите додека сонува, а има и постојан страв од смртта и покрај психотерапијата.