Утре протест пред битолската болница со сирена и едноминутен молк

Утре во 17 часот ќе има протест пред Клиничката болница во Битола поради смртта на новороденчето, како и смртта на малата Јана.

-Ќе носиме сирена, ќе ја вклучиме а потоа ќе одадеме една минута почит за сите прерано заминати чеда, родители и пријатели и ќе си отидеме. Нека сирената ја означи алармантната сотојба во болницата, а молкот нека биде за наш потсетник за тие на небесата, оти сите немо седиме и чекаме промените од небо да паднат, а не ние да ги создадеме час поскоро за да спасиме нечии живот, се вели во најавата на протестот.

Шестгодишната Јана почина откако прими инфузија, а родителите тврдат дека станува збор за лекарска грешка, а сè уште се чекаат резултати од обдукцијата.

Обдукција ќе се прави и на новороденчето кое почина вчера. Мајката добила таблета за провокации и била пуштена дома, иако требало во тие часови бебето да биде под надзор.