Утре Грците гласаат во вториот круг од локалните избори
Во седум периферии и 227 општини, Грците утре ќе гласаат во вториот круг од локалните избори за да одберат градоначалници и префекти онаму каде што минатата недела ниту еден од кандидатите не освои 50 проценти плус еден глас, јави дописничката на МИА од Атина.
Повторно ќе се гласа и во двата најголеми грчки градови, Атина и Солун.
Во грчката престолнина, во првиот круг Костас Бакојанис од Нова демократија освои 42.65 отсто од гласовите, а неговиот против кандидат од СИРИЗА, Насос Илиопулос, 16.98 отсто.
Николаос Тахиаос и Зервас Константинос, и двајцата од Нова демократија, но, вториот без партиска поддршка, ќе се борат за градоначалник на Солун. Разликата меѓу нив, минатата недела беше 7.47 отсто во корист на Тахиаос, кој е поддржан од најголемата грчка опозициска партија.
Кандидатката од СИРИЗА за градоначалник на Солун, Катерина Нотопулу не успеа да влезе во вториот круг, бидејќи според гласовите на граѓаните минатата недела заврши на четвртото место.
Гласачките места исто како и во првиот круг ќе бидат отворени во 7 часот наутро, а гласањето ќе трае до 19 часот по локално време.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата