Утре авионско прскање против комарци во Куманово

Општина Куманово ги информира граѓаните дека утре на подрачјето на градот во раните утрински часови ќе се изврши трето авионско прскање против комарци за тековната година. Од општината аплираат до пчеларите да преземат соодветни мерки за заштита на пчелите.

Во случај да не се изврши авионско прскање поради неповолни временски услови, дезинсекцијата против комарци ќе се одложи за наредниот ден во утринските часови. Претходните две прскања се извршија на почетокот и крајот на јуни.

За оваа година општина Куманово одвои милион и 299.000 денари без ДДВ за три авионски прскања против комарци.