Усвоена предлог одлука за составот на анкетната комисија за прислушкувањето
Собраниската Комисија за прашања на изборите и именувањата вечерва усвои Предлог одлука за избор на претседател, заменик претседател и членови на анкетната комисија за прислушкувањето, чие формирање е врз основа на Договорот од Пржино за надминување на политичката криза.
За претседател на анкетната комисија е предложен Петре Шилегов, а за заменик претседател Горан Мисовски. Членови на комисијата, според предлогот, треба да бидат Антонио Милошоски, Силвана Бонева, Крсто Мукоски, Павле Саздов, Димитар Стевананџија, Лилјана Затуроска, Магдалена Манаскова, Владанка Авировиќ, Томислав Тунтев, Васко Ковачевски, Талат Џафери, Ејуп Рустеми, Ернад Фејзула и Роза Топузова-Каревска.
Предлог одлуката на Комисијата за прашања на изборите и именувањата е на дневен ред на 78. собраниска седница закажана за утре во 12 часот.
Ново на Сител
-
Тема на денот со д-р Никола Пановски
-
ИЈЗ: Четворица вработени на ЗОО под надзор, еден ќе се тестира за птичји грип
-
Партиски реакции: Одговорност за Арсовска за птичјиот грип во зоолошка
-
Утре почнува вакцинацијата против сезонски грип
-
КСОМ: Газди на приватни фирми спречувале работници да влезат во синдикат
-
ДУИ не дава поддршка
-
Втората најголема градинка во Македонија ќе биде во Прилеп
-
Скрининг или рана детекција на карцином на дојка