Усвоен предлог - закон од Владата за прогласување на дел од Шар Планина за заштитено подрачје
Предлог-законот за прогласување на дел од Шар Планина за заштитено подрачје во категорија II – национален парк, подготвен од Министерството за животна средина и просторно планирање, е усвоен на вчерашната 50-та седница на Владата.
-Со тоа земјава ќе го добие четвртиот национален парк, по прогласување на последниот во 1958 година. Доколку Собранието го поддржи и усвои овој наш предлог ќе го добиеме првиот национален парк од прогласувањето на неазвисноста со што вкупната површина на заштитени подрачја на национално ниво ќе изнесува 13,2 отсто, соопшти денеска на прес-конференција министерот за животна средина и просторно планирање Насер Нуредини.
Основна цел на ова законско решение е прогласување на дел од Шар Планина за заштитено подрачје од втора категорија – Национален парк, заради обезбедување заштита на исклучителните природни убавини и вредности, разновидноста и богатството на биодиверзитетот, геодиверзитетот, хидролошките карактеристики, пејзажните, пределните и други вредности, како добра од јавен интерес.
Нуредини информира дека откако Собранието ќе го усвои законот, Владата ќе треба да основа јавна установа национален парк во рок од три месеци за што се обезбедени средства од буџетот.
Ново на Сител
-
Тема на денот со Љупчо Николовски, пратеник од СДСМ
-
100 дена Влада - Интеграција во ЕУ и подобрување на животниот стандард
-
Опозицијата за 100 дена Влада: Скандали, изговори и неисполнети ветувања
-
Пензионерите ги добија пензиите зголемени за 2.500 денари
-
Со средба во Прилеп пензионерите од повеќе градови од Македонија го одбележаа покачување на пензиите
-
Бизнисот разочаран, Синдикатот воздржан од 100-те дена нова Влада
-
Бактерија Стафилокока најдена во “бомбиците” кои ги јаделе децата од ОУ “Ѓорѓија Пулевски“
-
ДСЗИ не најде пропусти во вонредниот надзор во кумановската болница каде почина родилката