Уставниот суд на Романија бара до 7 февруари институциите да се произнесат за уредбата

Романскиот Уставен суд соопшти денеска дека Парламентот и Вишиот судски совет имаат рок до 7 февруари да поднесат свои аргументи во врска со вонредната уредба од вторникот со која се декриминализираат некои корупциски дела.

Донесувањето на уредбата предизвика големи протести во државата.

Портпарол на Судот изјави дека во следните 20 дена од одбивањето на тие документи, судот ќе одржи седница и ќе се произнесе за уставноста на уредбата. Ако судот не блокира, уредбата ќе стапи на сила за 10 дена по прифаќањето.