Успехот на Албанија се славеше и во Македонија и во Косово – Србите ќе не гледаат на телевизија

Еуфорија во Албанија, Косово, Македонија. До сабајле се славеше историскиот успех на албанската фудбалска репрезентација.

Албанија избори пласман за Европското првенство со синоќешната победа над Ерменија со 3:0, со што ја прескочија Данска и завршија на второто место во групата.

Албанските медиуми јавуваат дека земјата „горела“ од пиротехника. Во Елбасан беа отворени вратите на стадионот за сите навивачи кои славеле долго во ноќта.

Претседателот на Албанија најави дека сите играчи и раководството ќе ги награди со посебна медаља, за како што рече историскиот резултат и подигнувањето на угледот на Албанија.