УС Опен: Ѓоковиќ против Чилиќ во полуфиналето

Најдобриот светски тенисер Новак Ѓоковиќ се пласира во полуфиналето на УС Опен каде ќе игра против ланскиот шампион на овој турнир Марин Чилиќ. Ова ќе биде нивни 14.ти меѓусебен меч, а на досегашните 13 победи Ѓоковиќ.

Тој во четвртфиналето го совлада Фелицијано Лопез со 3:1 во сетови (6:1; 3:6; 6:3 и 7:6 (7:2)). Многу поголема борба имаше во мечот меѓу Чилиќ и Жо Вилфред Цонга. Чилиќ славеше со 3:2 во сетови (6:4; 6:4; 3:6; 6.7 (3:7) и 6:4). По водството од 2:0 во сетови во четвртиот сет Чилиќ не искористи три меч топки и Цонга израмни на 2:2, но немаше сили за пресврт.

Во женските четвртфинални мечеви Серена Вилијамс ја победи Венус Вилијамс. Ова беше нејзина 16.та победа во 27.миот меѓусебен дуел. По сетови резултатот беше: 6:2; 1:6 и 6:3. И нејзината ривалка Роберта Винчи по три сета избори полуфинале откако ја победи Кристина Младеновиќ 2:1 (6:3; 5:7 и 6:4).

Попладнево играат:

Петра Квитова - Флавија Пенета (жени - четвртфинале),

Викторија Азаренка - Симона Халеп (жени - четвртфинале),

Стан Вавринка - Кевин Андерсон (мажи - четвртфинале)

Ришар Гаске - Рожер Федерер (мажи четвртфинале).